♥-----K.Shahzad-----♥

"Ye keya muqaam hai wo nazare kahan gaye.
wo phul kya huye wo sitare kahan gaye.

yaran-e-bazm-e-jurrat-e-rindana kya huyi.
un mast ankhariyon k ishare kahan gaye.

ek aur daur ka wo taqaza kidhar gaya.
umre huye wo hosh k dhare kahan gaye.

uth uth k baith chuki gard rah ki.
yaro qafile thake hare kahan gaye.

betab tere dard se the charagar "Hafeez".
kya janiye wo dard k mare kahan gaye..

♥-----K.Shahzad-----♥

"Tu bhi kisi ka pyar na paye Khuda kare,
tujh ko tera nasib rulaye Khuda kare,

raton mein tujh ko nind na aye Khuda kare,
tu dar-ba-dar ki thokren khaye Khuda kare,

aye bahar tere gulistan mein barbar,
tujh par kabhi nikhar na aye Khuda kare,

meri tarah tujhe bhi jawani mein gam mile,
tera na koi sath nibhaye Khuda kare,

manzil kabhi bhi pyar ki tujh ko na mil sake,
tu bhi dua ko hath uthaye Khuda kare,

tujh par shab-e-wisal ki raten haram hon,
shammein jala jala k bujhaye Khuda kare,

ho jayen bad-duayen meri dosto galat,
ab un pe koi harf na aye Khuda kare..

♥-----K.Shahzad-----♥

"Dil abhi tak jawan hai pyare.
kis musibat mein jan hai pyare.

tu mere hal ka khayal na kar.
is mein bhi ek shan hai pyare.

rat kam hai na cher hijar ki bat.
ye bari dastan hai pyare.

talkh kar di hai zindagi jis ne.
kitni mithi zaban hai pyare.

jane kya kah diya tha roz-e-azal.
aj tak imtihan hai pyare.

main tujhe bewafa nahin kahta.
dushmanon ka bayan hai pyare.

sari dunya ko hai galatfahmi.
mujh pe tu mehraban hai pyare..

♥-----K.Shahzad-----♥

"Bargashta-e-yazdan se kuch bhul huyi hai,
bhatke hue insan se kuch bhul huyi hai,

ta hadd-e-nazar shole hi shole hain, chaman mein
phulon k nigehban se kuch bhul huyi hai,

jis ahad mein lut jaye faqiron ki kamayi,
us ahad ke sultan se kuch bhul huyi hai,

hanste hain meri surat-e-maftun pe shagufe,
mere dil-e-nadan se kuch bhul huyi hai,

huroon ki talab aur mai-o-sagar se hai nafrat,
zahid tere irfan se kuch bhul huyi hai..

♥-----K.Shahzad-----♥

"Ab to kuch aur bhi andhera hai,
ye meri rat ka sawera hai,

rahzanon se to bhag nikla tha,
ab mujhe rahbaron ne ghera hai,

age age chalo tabar walo,
abhi jangal bahut ghanera hai,

qafila kis ki pairawi mein chale,
kaun sab se bara lutera hai,

so raho ab "Hafeez"ji tum bhi,
ye nai zindagi ka dera hai..

♥-----K.Shahzad-----♥

"Agar mauj hai bich dhare chala chal.
wagarna kinare kinare chala chal.

isi chal se mere pyare chala chal.
guzarti hai jaise guzare chala chal.

tujhe sath dena hai bahrupiyon ka.
naye se naya rup dhare chala chal.

musalsal buton ki tamanna kiye ja.
musalsal Khuda ko pukare chala chal.

tujhe to abhi der tak khelna hai.
isi mein to hai jeet hare chala chal..

♥-----K.Shahzad-----♥