يا جزمة في العلالي
يا لابسة في العلم
ريحتي قلوب شعوبنا
وخففتي الألم
كان أكرم له بصراحة
لو مات أو إتعدم
يا شماتة باتا فيكم
ويا فرحة الجباس
لو لسة في كرامة
أو حتي في حماس
هندفعه الغرامه
ونخلعه المداس
طول عمره شعبي ساكت
ومالوهشي في الغلط
وإسأل كلاس عنا
أو لطفي أو زلط
إطلع يا كلب بره
بالجزمة حنضربك
لو لسة شعوبنا حرة
الكل هيرعبك
وحظك جه يا بشبش
ويا العيد الكبير
يا ما كنت يا واد بتهبش
وسرقت ألف بير
وأول عيد نخالف
ونضحي بالخنازير
صدام لما عدمته
كان صلب وكان شديد
وما خافشي من جبالكم
وما خافشي من الحديد
يا جبان فرحتنا فيكم
تساوي ألف عيد
ويارب الوحدة تيجي
لو حتي من بعيد
لو حتي من بعيد
