aunchi jaga Qible ki taraf moo kar ke wazoo karna mustahib hai.
Paki hasil karne aur sawab hasil karne ki niyat kare.
aur Bismillah parhe
kiyon ke jo wazoo Bismillah se shoru kiya jaye Tamam badan gunaho se pak ho jata hai.
warna jitne jaga pani gire ga badan ka sirf wo hi hissa e pak ho ga.
3 bar pahncho tak hatho ko dhoye .
3 bar moo mein pani dal kar kulli kare.
3 bar naak mein pani dal kar naak dhoye.
3 baar chehre par pani is tarha dal kar dhoye ke lambai mein shoroh peshani se jahan se aadatan bal jamne ki inteha ho . Thori ke niche tak aur chorai mein kaan ki aik lao se dusri lao tak pani beh jaye..
Pher dono hath dhoye . Pehly dayan phir bayan kohniyo samet is tarah dhoye ke nakhun se le kar kohniyo tak har jaga pani beh jaye .. (yad rahye aik rongta bhi khushk na rahe warna wazoo nahi ho ga)
aur sar ka masah youn kare ke dono angoothe aor kalme ki anguliyo ko chhor kar dono hath ki 3 . 3 anguliyon ke sire aik dusry se milay aur peshani ke baal ya khaal par rakh kar khenchta hua guddi tak is tarah le jay ke hatheliyan sar se juda rahen pher guddi se hatheliyo ko khenchta hua wapis peshani tak laye. Kalme ki angutho se kano ki beroni satah ka aur bhegi chngya (choti aungli) kano ke pichly hisse ka masah kare.
phir pehly dayan phir bayan paoun takhno ke aupar tak bayen hath se dhoye ..
