peperonity Mobile Community
Welcome, guest. You are not logged in.
Log in or join for free!
 
Stay logged in
Forgot login details?

Login
Stay logged in

For free!
Get started!

"EHSAAN DANISH" | a-------shayari.pk



"EHSAAN DANISH"
*•.¸♥¸.•*.........*•.¸♥¸.•*
•´*•.¸(*•.¸♥¸.•*´)¸.•*´
♥«´¨`•°..DANISH..°•´¨`»♥
.¸.•*(¸.•*´♥`*•.¸)`*
rose butterfly - Newest pictures
♥-----K.Shahzad-----♥

"Yun na mil mujh se khafa ho jaise.
sath chal mauj-e-saba ho jaise.
log yun dekh kar hans dete hain.
tu mujhe bhul gaya ho jaise.
ishq ko shirk ki had tak na barha.
yun na mil hamse Khuda ho jaise.
maut bhi ai to is naz k sath.
mujh pe ehsan kiya ho jaise.
aise anjan bane baithe ho.
tum ko kuch bhi na pata ho jaise.
hichkiyan rat ko ati hi rahin.
tu ne phir yad kiya ho jaise.
zindagi beet rahi hai “danish”.
ek be-jurm saza ho jaise..

♥-----K.Shahzad-----♥

"Sirf ashk-o-tabassum main uljhe rahe,
ham ne dekha nahin zindagi ki taraf,
rat dhalte jab un ka khayal aa gaya,
tik-tiki bandh gai chandani ki taraf,
kaun sa jurm hai,kya sitam ho gaya,
ankh agar uth gai, ap hi ki taraf,
jane wo multafit hon kidhar bazm main,
ansuon ki taraf ya hansi ki taraf..

♥-----K.Shahzad-----♥

"Pursish-e-gam ka shukriya, kya tujhe agahi nahin,
tere bagair zindagi dard hai, zindagi nahin,
daur tha ek guzar gaya, nasha tha ek utar gaya,
ab wo muqam hai jahan shikva-e-berukhi nahin,
tere siwa karun pasand kya teri qayanat main,
donon jahan ki neamaten, qimat-e-bandagi nahin,
lakh zamana zulm dhaye, waqt na vo Khuda dikhaye,
jab mujhe ho yaqin k tu hasil-e-zindagi nahin,
dil ki shaguftagi k sath rahat-e-maykada gai,
fursat-e-maykashi to hai, hasarat-e-maykashi gai,
zaKhm pe zaKhm khake ji, apne lahu ke ghunt pi,
ah na kar, labon ko si, ishq hai dilagi nahin,
dekh ke khushk-o-zard phul, dil hai kuch is tarah malul,
jaise teri khizan k bad, daur-e-bahar hi nahin..

♥-----K.Shahzad-----♥

"Nazar fareb-e-kaza kha gai to kya hoga.
hayat maut se takara gai to kya hoga.
nayi sahar ke bahut log muntazir hain magar.
nayi sahar bhi kajla gai to kya hoga.
naye "rahnumaon" ki majalis main le chalo mujhko.
main be-adab hun hansi a gai to kya hoga.
gam-e-hayat se beshaq hai khudkushi asan.
magar jo maut bhi sharma gai to kya hoga.
shabab-e-lala-o-gul ko pukarane walo.
khizan-sirisht bahar a gai to kya hoga.
ye fikr kar k is asudagi k dhoke main.
teri khudi ko bhi maut a gai to kya hoga.
khushi chini hai to gam ka bhi aitamad na kar.
jo ruh gam se bhi ukta gai to kya hoga..

♥-----K.Shahzad-----♥

"Kabhi mujh ko sath lekar, kabhi mere sath chal kar,
wo badal gaye achanak meri zindagi badal kar,
huye jis pe meharaban tum koi khushnasib hoga,
meri hasraten to nikalin mere ansuon main dhal k,
teri zulf-o-ruKh k qurban dil-e-zar dhundta hai,
wahi champai ujale wahi surmai dhundalake,
koi phul ban gaya hai koi chand koi tara,
jo chirag bujh gaye hain teri anjuman main jal k,
mere dosto Khudara mere sath tum bhi dhundo,
wo yahin kahin chupe hain mere gam ka rukh badal k,
teri be-jhijhak hansi se na kisi ka dil ho maila,
ye nagar hai ainon ka yahan sans le sambhal k..

♥-----K.Shahzad-----♥


This page:





Help/FAQ | Terms | Imprint
Home People Pictures Videos Sites Blogs Chat
Top